მიიღეთ დეტალური ინფორმაცია ტერიტორიის რელიეფისა და არსებული ობიექტების შესახებ სანტიმეტრის სიზუსტით. დრონის სპეციფიური პარამეტრებით ფრენის შედეგად გადაღებული ფოტოების საფუძველზე, ფოტოგრამეტრიული პროგრამა ადგენს რელიეფის ციფრულ მოდელს (DEM/DSM), რაც უზრუნველყოფს ზედაპირის, კონტურული ხაზებისა და სტრუქტურების მაღალი სიზუსტით ასახვას. ასეთი რუკა იდეალურია ინჟინრული, სამშენებლო, არქიტექტურული და საკადასტრო მიზნებისთვის.

• ტოპოგრაფიული რუკა DWG, DXF ან PDF ფორმატში: დეტალურად დატანილი რელიეფი, ობიექტები, გზები, კონტურული ხაზები და საჭიროებისამებრ სიმაღლის ნიშნულები.
• ციფრული რელიეფის მოდელი (DEM/DSM): გამოყენებადია როგორც სივრცული ანალიზის, ისე მოცულობების გამოთვლისთვის.
• კონტურული ხაზები: ცალკე შესაძლებელია კონტურული ხაზების ექსპორტი (მაგ. .shp ფორმატში) სხვადასხვა GIS პროგრამაში გამოსაყენებლად.
• ანგარიში (საჭიროების შემთხვევაში): PDF ფორმატში მიწოდებული ანგარიში, რომელშიც მოცემულია რუკის მასშტაბი, გამოყენებული GCP-ები და RTK მონაცემები.

• სამშენებლო და საინჟინრო პროექტების დაგეგმარება.
• სასოფლო-სამეურნეო ტერიტორიის დაგეგმარება და ანალიზი.
• მიწის საკადასტრო შესწავლა და საკუთრების საზღვრის განსაზღვრა.
• სატრანსპორტო და ინფრასტრუქტურული პროექტების ანალიზი.
• ურბანული დაგეგმარება და გარემოს მონიტორინგი.

• სიზუსტე: 2-5 სმ ჰორიზონტალური და 5-10 სმ ვერტიკალური სიზუსტე RTK და საკონტროლო წერტილების გამოყენებით.
• სწრაფი მოწოდება: ტოპორუკას მიიღებთ 3-5 სამუშაო დღის ვადაში, საჭიროების შემთხვევაში ანგარიშით.
• მოქნილობა: შესაძლებელია მომსახურების გაერთიანება სხვა სერვისებთან.